Neymar-a'n sum a thawh hnem
Khawvela footballer manto ber Neymar chuan Covid-19 do nan dollar maktaduai khat a thawh, a pawisa thawh hi India pawisa chuan Rs nuai 764 chuang a ni.
Paris Saint-Germain forward hian a pawisa hi United Nations Children's Fund (UNICEF)-ah a chhung lut a, a teammate Kylian Mbappe chuan kar hmasa khan France ram tan sum ṭhahnem tak a lo thawh tawh bawk - a zat erawh tarlan a ni lo.
Kar hmasa khan Neymar hian a ṭhiante nena an intihlim lai thlalak a pho chhuah avangin sawisel a hlawh tawh.
Brazil international hian a ṭhiante chu Paris aṭanga an ram lama a hawpui, a inkhung hranpui mekte an nih thu a sawi thung.