Bucks star Giannis a chawl lailawk
Milwaukee Bucks superstar Giannis Antetokounmpo chuan in lama a chawlh chhungin basketball a khel rih lo a, hri leng reh hunah erawh thapui thawha khelh leh thuai a chak thu a sawi.
March 11 aṭang khan basketball inelna sang ber NBA hi an chawl lailawk tawh a, engtik hunah nge an khelh leh theih ang tih hriat a la ni lo. US hi hri kai tamna hmun a nih avangin season an chhunzawm theih tawh loh mai pawh a hlauhthawnawm.
NBA Most Valuable Player nilai Antetokounmpo hi a chenna Wisconsin-ah a inkhung mek. Gianni chuan, "NBA player tam tak chuan an chenna inah basketball court an nei a, ṭha takin an inbuatsaih thei reng.
"Keichuan basketball ka khel rih lo thung, ngawrh takin ka taksa erawh ka sawizawi reng thung. Ka tlan a, rit ka chawi bakah bike pawh ka khalh, basketball erawh ka khel lo," a ti.
Bucks star chuan sawi zawmin, "Chhungkua a hun hman ho hlutna kan hre chhuak thar leh hi a lawmawm, hetiang thil hi season tluana kan tih ngai mang loh a ni. Engtik niah emaw chuan hri leng hi a reh ang a, nuamti takin basketball kan khel leh ang," tiin a sawi.