Djokovic tan Nadal nihrual theih hun

Novak Djokovic chuan Australian Open no­mawi a chawi hnua a tournament hmasa ber atan tun kar chhunga khelh tur Indian Wells-ah a inlan dawn a, ATP Masters 1000 title a la thei a nih chuan Rafael Nadal-a nomawi neih zat (33 titles) a nih rual chiah ang.

Indian Wells vawi nga champion tawh Djokovic hi champion tura rinkai a ni nghal a, mahse Nadal bakah tun hnaia khel ṭha tak Nick Kyrgios te paltlang chu thil awmsak a ni lo ang.

World number 1 Djokovic chuan, "Rilru hi chuan tum leh duhthusam hi a nei ṭhin, mahse chumi ti hlawhtling tur chuan thawhrimna leh tih tak zeta beihna neih tel a ngai," tiin a sawi.