Sarri-a'n Kepa a ngaidam

Chelsea manager Maurizio Sarri chuan Carabao Cup final-a a thu awih lo keeper Kepa Arrizabalaga tihsual a hre reng tawh lo a, Fulham nen an inkhelh ṭumin khawvel keeper manto ber Blues chhandamtu a ni.

Craven Cottage-ah Chelsea-in Gonzalo Higuain (27') leh Jorginho (31') goal hmangin 2-1 in hnehna an chang a, mualneitu tan hian minute 27-naah Calum Chambers-a'n goal khat a khung ve bawk. Kum 24 mi Kepa chuan 1-0 a nih laiin Aleksandar Mitrovic goal khung tur chu ṭha zetin a dang a, Tom Cairney leh Joe Bryan te goal khung tur a dang leh bawk.

Chelsea manager hlui Jose Mourinho chuan, "Thil thlen dan kha a tirah a lian viauin hre mah ila, inhriatfuh tawk loh avangin kan rin ang em em chuan a lian lo e. London club-ah hian ṭhian ṭha tak tak ka la nei nual a, an vaiin Kepa hi an fak a ni. Club chhung tak tak boruak a ṭhat thu min hrilh a, kei chuan ka pawm thlap," tiin Sarri thutlukna a ṭawmpui thu a sawi.

Bluess boss Sarri chuan, "Kepa hi mi puitling tak a ni a, a tihsual a pawm a. A khelhna chance neih leh hmasak berah ṭha takin a khel a ni," tiin a fak. Fulham erawh Scott Parker hnuaia an khelhna hmasa berah an chak zo lo a, point 17 chiah an la hmuh avangin season tharah Premier League an khelh a rinawm tawh lo.