Match 40 chak thei Jazz

NBA regular season kal laiah Utah Jazz chu match 40 chak tling thei hmasa ber an ni. Jazz hian nimin zing khan an khingpui Sacramento Kings chu 128-112 a hnehin Western Conference hmahruaitu an nihna an sawhnghet.

Salt Lake City a inkhelah Jazz tan Donovan Mitchell-a'n point 42 ngawt a nei a, ani bakah hian Mike Conley (26 points) leh Joe Ingles (20) te an chet ṭhat bawk avangin Kings lam tan dan theih an ni lo.

Jazz hian kuminah an khelmual an hmang thiam hle, an mualah bik hian match 24 zet a zawtin hnehna an chang ta - playoff khel turin an dinhmun a ṭha tawh a, conference champion bakah NBA title pawh an beisei ngam ang.

Nimin zing inkhel dangah Los Angeles Lakers chuan an player ṭha panga ngawt chhawr thei lo mah se Brooklyn Nets 126-101 in an hneh thei. Nets lamin Kevin Durant leh Kyrie Irving te chhawr thei mah se, player pawimawh James Harden awm loh an tuar.