Delhi leh Bangalore te an chak nghal

Indian Premier League vawi 14-na chu Zirtawpni zan khan khelh ṭan a ni ta a, MA Chidambaram Stadium-ah opening match khelh niin Royal Challengers Bangalore-in wicket hnihin champion lai Mumbai Indians an hneh hram bawk. Inrinni zan khan Wankhede Stadium-ah Delhi Capitals chuan wicket sarihin Chennai Super Kings chu wicket sarihin an hneh.

IPL hi zanin dar 7:30 hian khelh chhunzawm a ni dawn a, Rajasthan Royals leh Punjab Kings te Wankhede Stadium-ah an inkhel ang. IPL-ah hian team pariat an awm a, team tin hi vawi hnih ṭheuh an inkhel chhuah hnuah a sang paliin playoff an khel ang.

Kohli hote an chakIPL inkhelh ngaihven hlawhah Royal Challengers Bangalore hi ṭhum vawrah an vannei a, captain Virat Kohli-a'n vawm hmasak a thlang.

Bangalore bowler Harshal Patel chuan hming chher nan hmangin run 25 chauh pein wicket nga a la a, Mumbai Indians-in run 159/9 an siam. Indians tana run siam tam ber Chris Lynn-a'n run 49 a siam.

Bangalore tan target harsa niin lang lo mah se Virat Kohli (33), Glenn Maxwell (39) leh AB de Villiers (48) te a tawp thleng loa an thih avangin an hlauthawng hman a, Harshal Patel-a'n ball tawp berah run khat siamin hnehna a chanpui.

Dhawan leh Shaw
Delhi Capitals-in vawm hmasak an thlang a, Chennai Super Kings opener-te che ṭha lo mah se Moeen Ali (36), Suresh Raina (54), Ambati Rayudu (23) leh Ravindra Jadeja (26*) te zarah run 188/7 an siam a, chakpui tham a tling.

Amaherawhchu, Delhi tana Prithvi Shaw (72) leh Shikhar Dhawan (85) te inkawp ringawtin run 138 an siam hman a, captain naupang Rishabh Pant (15*) ten harsatna nei loin a tawp a thleng a, over 18.4-ah run 190/3 siamin wicket sarihin hnehna an chang.