Vawiinah MBA Official C’ship

Mizoram Badminton Asso-ciation (MBA) chuan Mizoram a Badminton inelna lian ber leh ngaihhlut hlawh ber, 35th MBA Official Championship leh 19th Inter District Team Championship 2021 chu vawiinah hian a nei ṭan dawn - Ramhlun Indoor Stadium leh Bawngkawn YMA Hall-in a thlen tur inelna hi April 17 thlenga neih tura ruahman a ni.

Inter District Cham-pionship hi team inelnaa ṭan a ni dawn a, district tina a ṭha thlankhawm ten inelna an hmachhawn tur niin, Under-13 Boys’ & Girls’ Team, U15 Boys’ & Girls’ Team, U17 Boys’ & Girls’ Team, U19 Boys’ & Girls’ Team, Women’s Team, Men’s Team, 35+ Men’s Team leh 45+ Men’s Team (a vaiin category 12) ah te inelna neih a ni ang a, category hrang hrangah hian team 84-in inelna hi an hmachhawn dawn a ni.

Inter District Cham-pionship zawh hnuah MBA Official Championship hi chhunzawm a ni ang a, MBA ranking a 8-na chinte bakah qualifying a invawkaiten he tournament pui ber (main draw) hi an khel ang a; LPS chuan semifinal aṭangin TV-ah a pe chhuak ang.

MBA Official Cham-pionship-ah hian Under-13 Boy’s & Girl’s singles, U15 Boy’s & Girl’s singles, U17 Boy’s & Girl’s singles, U19 Boy’s & Girl’s singles, Men’s singles, Women’s singles, Men’s doubles, Women’s doubles leh Mixed doubles, a vaiin category 13-ah te inelna neih a ni dawn thung a, entry hi qualifying khelte nen 315 lai an lut bawk a ni - qualifying hi Inrinni khan khelh zawh a ni.

Mizoram badminton thu-neitute chuan inelna hi sorkarin hri leng kara inkaihhruaina a duan anga uluk taka neih a nih tur thu an sawi a, entu awm phal a ni lo ang a, player-te pawh MBA Covid Task force lamin uluk taka endikin an vil bawk ang.