Vawiinah aṭangin NECS Cup ṭan a ni dawn

Aizawl District FA leh TṬ Royte Group ṭangkawpin an buatsaih NECS Cup 2019 chu Nilaini zan khan kick off a ni a, vawiin chawhma dar 9:00 hian Ramhlun Sports Complex-ah match hmasa ber khelh a ni ang.

NECS Cup hi ṭum sarih an buatsaihna tur niin, tun hma lamin team pali an champion tawh. Record nei ṭha ber Ramhlun South chuan vawi thum nomawi an chawi tawh a, anni bakah hian Armed Veng, Bethlehem Vengthlang leh Chhinga Veng ten vawi khat ṭheuh hlawhtlinna an chang a, Chhinga Veng hi champion lai an ni.

Kumin NECS Cup-ah hian team 64 an inlan dawn a, inelna hi knock out hmanga neih tur a ni ang. Round hmasa lam hi Ramhlun Sports Complex leh Republic Veng Khelmualah te khelh a ni dawn, Republic Veng Khelmual bikah hian March 7, Ningani aṭangin inelna ṭan a ni ang.

Ruahman dan chuan March 14-ah last 16 fixture pawh a ni dawn a, round sang lam hi chu Lammual leh RG Stadium, Mualpuiah khelh tur a ni.

Vawiin Inkhel Tur
A hmun : Ramhlun Sports Complex
Lamherh 09:00 AM Bungkawn
Hualngohmun 10:30 AM Vaivakawn
North Khawlek 12:00 PM ITI Veng
Bethlehem VT 01:30 PM NE Tlangnuam

March 7, Ningani
A hmun : Ramhlun Sports Complex
Zemabawk 09:00 AM Dawrpui
Ramhlun Vengthar 10:30 AM Hunthar
Kanan Veng 12:00 PM Bethlehem Veng
Chhinga Veng 01:30 PM Tuikual North

A hmun : Republic Veng Khelmual
Sihphir Venghlun 09:00 PM Salem Veng
College Veng 10:30 AM Leitan
Keifang 12:00 PM Chite Veng
Electric Veng 1:30 PM Hlimen