Vawiin aṭangin All England Championship

Badminton inelna ngaihhlut All England Championship chu vawiin aṭang hian Arena Birmingham, Birmingham-ah khelh ṭan a ni dawn a, Indian shuttler pahnih PV Sindhu leh Saina Nehwal te hmabak a awlsam dawn lo.

Kum 2001 khan Pullela Gopichand-a'n All England nomawi hi a chawi a, ani hnuah Indian shuttler zingah champion leh thei an la awm lo - season 18 hnuah Saina leh Sindhu ten an coach hnung zui an tum dawn.

Rio Olympic silver medalist Sindhu hian match hmasa berah Ji Hyun a hmachhawn dawn a, South Korean nula nen hian a pumpuia an intawn tawhnaah 8-6 in record nei ṭha zawk mah se, season hmasa khan ṭum hnih a ngam loh avangin a tan hna a awlsam lo ang.

World number 1 hlui Saina erawhin vawi ruk a hneh zawn tawh Kristy Gilmor a hmachhawn dawn, seeded pariatna Saina hian harsa lutuk loin Scotland nula hi a paltang thei tura ngaih a ni.

All England Championship-ah hian Badminton World Federe-ration ranking-a a sang player 32 chin chiah an inlan thei a, Indian mipa shuttler zingah Kidambi Srikanth, Sameer Verma, B Sai Praneeth leh HS Prannoy te an inlan dawn bawk.