Vawiin aṭangin Sub Junior Football C'ship

14th Sub Junior Inter District Football Championship chu vawiin aṭangin Serchhip-ah khelh ṭan a ni dawn a, inelna hi Serchhip Sport Complex-ah khelh a ni ang.

Inelnaah hian MFA hnuaia District FA pariat an tel vek a, group A-ah Kolasib, Champhai, Siaha leh Mamit te an awm a, group B-ah Aizawl, Lunglei, Lawngtlai leh Serchhip te an awm thung.

Vawiin hian group A an inlan dawn a, chhun dar 12:30-ah Kolasib leh Champhai an inkhel ang a, tlai dar 2:30-ah Siaha leh Mamit te an inhmachhawn ang. Group khat aṭanga a sang pahnihin semifinal an lut ang a, final hi March 15, Inrinnia khelh tur a ni.

Inelna hi January 1, 2004 - December 31, 2005 inkara piang chin tana buatsaih a ni a. Group khatah hian point inang hmu an awm a nih chuan head to head chu dah pawimawh hmasak ber tur a ni a, point inang pahnih aia tam hmu an awm chuan goal difference en tur a ni ang.

Vawiin Inkhel Tur - Group A
Kolasib 12:30 PM Champhai
Siaha 02:30 PM Mamit
March 7, Ningani
Aizawl 12:30 PM Lunglei
Lawngtlai 02:30 PM Serchhip