India chakna Kohli century

Virat Kohli chuan ODI century vawi 40-na a siam zarah Thawhlehni khan India-in run riatin Australia an hneh a, series an khelh mekah 2-0 in hma an hruai.

Nagpur-a inkhelah India batsman zingah Kohli chiah run 50 vaw tling a awm a, ball 120 a hmachhawn-ah run 116 a siam. India captain hian ODI century siam tam lama legend Sachin Tendulkar pha turin century vaw kaw dang chiah siam a mamawh tawh. Men in Blue hian 48.2 overs-ah run 250 an siam.

Australia opener Aaron Finch leh Usman Khawaja ten bul an ṭan ṭha. A khat mawi tawkin India bowler ten wicket la mah se Aussies-in hun tawp overs ruk la awmah run 38 siam a ngaih avangin India aiin an dinhmun a ṭha zawk.

Amaherawhchu, Kuldeep Yadav chuan Alex Carey chu a vawm hlum a; Pat Cummins, Nathan Coulter-Nile, Marcus Stoinis leh Adam Zampa ten a hnung an zui a. Hun tawp lama Aussies chetsual leh India bowler te chet ṭhat zarah mualneituin hnehna an chang.

India leh Australia hian ODI match thumna hi JSCA International Stadium Complex, Ranchi-ah March 8, Zirtawpni hian an khel ang.

Thlirna Tawi
India 250 (48.2 overs): Kohli 116, Shankar 46; Cummins 4-29, Zampa 2-62
Australia 242 (49.3 overs): Stoinis 52, Handscomb 48; Kuldeep 3-54, Shankar 2-15
India runs riatin an chak