Murray hma hun a hriat hnai - Judy

Hliam vangin Andy Murray a inkhel thei lo mek a, anu Judy Murray chuan a fapa dinhmunin hma a sawn thu a sawi, a hma hun tur pawh rei vak lo hnuah an puan theih a beisei thu a sawi bawk.

Grand Slam vawi thum champion tawh Murray hian Australian Open khelh hma khan a hliam vanga a buaina chuan a duh aia hmain tennis a chawlhsantir dawn niin a sawi tawh a, vawi hnih a champion tawhna Wimbledon-ah inlan leh ngei duh mah se a dinhmun a chiang thei rih lo.

Judy chuan, "Andy hi an zaina a la rei lo a, tunah chuan zawimuangin hma a sawn ve zel. Engtik hunah nge a rawn kir ang tih leh, ṭha takin a rawn let thei ang em tih chu hriat la ni lo mah se, beiseina nen kan thlir mek a ni. Hun hian rei lo teah a rawn herchhuah pui ang.

"Ngaiawh leh tur chuan a theihna zawng zawng sawmkhawmin a beih a ngai dawn a, chumi piah lamah vanneihna a mamawh tel bawk," tiin a fapa world number 1 hlui chanchin a sawi.

Britain fapa Murray hi a khel bawr na vangin zai a ni tawh a, a hliam ngai bawk hi zai nawn a ngai. Tennis player zingah khel bawr na an zai nawn tawh hi singles huanga ṭha taka kir thei an awm tawh ngai lo - Murray tan vanneihna a ngai dawn tih a chiang.