Harden leh Rockets an sang zel

James Harden khelhna Houston Rockets chuan 'All-Star break' an neih hnua an season hman fuh an chhawmnung zel a, nimin zing khan Toronto Raptors 107-95 in an hneh.

Scotiabank Arena, To­ronto-a inkhelah Harden-a'n point 35 a score a, heng zinga point 19 hi hun tawp lam minute sarih chhunga a luh a ni, a zawnin an match hnuhnung parukah hnehna an chang ta a ni.

Toronto lam tan point 26 score tu Kawhi Leo­nard chu player mala thawhhlawk ber a ni a, ani bakah hian Serge Ibaka a langsar. Ibaka hian point 10 a neih bakah rebounds vawi 15 ngawt a la.

Season duhawm hmang mektu Raptors hi tun hnaiah an chefuh lo, an match hnuhnung pahnihah chak lo mah se Eastern Conference-ah pahnihna dinhmun an la luah, an chungah hian Milwaukee Bucks chiah an awm. Season bul ṭan fuh lo Houston erawh vawi 39 an chakna niin, vawi 25 an tlawm tawh thung.