Tottenham- n UCL quarterfinal an lut

Tottenham chuan an muala 3-0 a an hneh tawh Borussia Dortmund chu Thawhlehni zan khan Harry Kane-a goal hmangin 1-0 in an hneh nawn a, Champions League quarterfinal an lut.

Signal Iduna Park-ah Dortmund ṭantuten thawm an nei ring a, first half-ah inkhel thununin chance ṭhahnem tak nei mah se Tottenham keeper Hugo Lloris an paltlang thei lo. Second half minute 48-naah Harry Kane-a'n Dortmund tlarhnung offside trap bumin goal awmchhun a khung.

English striker hian Spurs tan Europe inelnaah goal 24 a khungna chiah a ni a, Jermain Defoe record khumin club top scorer a ni. Tottenham manager Mauricio Pochettino chuan, "Quarterfinal kan thleng thei hi kan lawm hle. Second leg bikah harsatna tam tak kan tawk a, Hugo Lloris-a chet ṭhat zarah goal kan chhuah lo a, chutihrualin quarterfinal thlen chu kan phu a ni," tiin a sawi.

Tottenham hian Inrinni zan dar 8:30 hian St Mary's Stadium-ah Southampton an hmachhawn ang. Dortmund hian March 9 zan vek hian DFB Stuttgart an mikhual dawn a, Bundesliga champion lai Bayern Munich nen an point hmuh zat a inan tawh avangin chetsual a thiang tawh lo.