Huaisen takin Celtics an tho chhuak

Chiang takin an chak lo dawn nia a lan hnuah Boston Celtics an tho chhuak a, nimin zing NBA regular season inkhelah Celtics hian an khingpui Denver Nuggets chu 105-87 in an hneh.

Nuggets hi tun hnaiah an khel ṭha, quarter thumna tir lamah 79-65 zetin hma an hruai fal thei a, hei vang hian a zawna a vawi kua nan an chak dawn ngei niin a lang hman, mahse a tawp lamah thawnthu a danglam.

Boston lamin quarter thumna chawhnu lam aṭangin harhtharna an chang a, a tawp thlengin Nuggets lamin point riat chauh an hmuh belh laiin Celtics erawhin point 40 zet an neih belh; an kaltluan vanglai chuan 31-3 in an chungnung hman hial a ni.