Kolkata-in Hyderabad an hneh

Pathianni zan IPL inkhelah Kolkata Knight Riders chuan run 10-in Hyderabad Sunrisers an hneh.

MA Chidambaram Stadium, Chennai-a inkhelah Hyderabad-in vawm hmasak an thlang. Kolkata tan Nitish Rana a che ṭha a, ball 56 aṭangin run 80 a siam. Delhi tlangval Rana hi Rahul Tripathi-a'n rawn thlawp ṭhain Maharashtra tana khel batsman hian run 53 a rawn siam ve bawk. Kolkata hian run 187/6 an siam avangin chak thei dinhmunah an ding.

Sunrisers opener Wri-ddhiman Saha (7) leh captain David Warner (3) te che ṭha lo mah se Manish Pandey (61*) leh Jonny Bairstow (55) te zarah chak beiseina an nei. Kum 31 mi Pandey hian thi loin run 61 siam mah se Hyderabad-in over 20-ah run 177/5 chauh an siam avangin an chak zo lo.

Thlirna Tawi
Kolkata bt Hyderabad
Toss : Hyderabad-in vawm hmasak an thlang
Kolkata run 10-in an chak

Knight Riders 187/6 (20)
Nitish Rana 80 (56)
Rahul Tripathi 53 (29)
Dinesh Karthik 22* (9)

Rashid Khan 24/2 (4)
Mohammad Nabi 32/2 (4)
T. Natarajan 37/1 (4)

Hyderabad Sunrisers 177/5 (20)
Manish Pandey 61* (44)
Jonny Bairstow 55 (40)
Adbul Samad 19* (8)

Prasidh Krishna 35/2 (4)
Pat Cummins 30/1 (4)
Andre Russell 32/1 (3)