Serena hmachhawn tur Azarenka

Victoria Azarenka chuan vawi hnih a champion tawhna Indian Wells-ah bul a ṭan fuh a, harsa lutuk loin Vera Lapko 6-2, 6-3 in a hneh - second round-ah chuan Serena Williams nen an inhmachhawn leh ang.

World number 1 hlui Azarenka chuan, "Inkhel ngaihnawm leh hlu tak a ni dawn, Serena nen hian intawn tawhna chi hrang hrang kan nei a, a awlsam ngai lo," tiin Grand Slam vawi 23 champion tawh American nula nen an inkhelh tur changchang a sawi nghal.

Inkhel dangah British number 1 Johanna Konta chuan Pauline Parmentier 6-2, 6-3 in a hneh, hnehna chang tur hian darkar khat leh a chanve chiah hun a hmang, a match lehpekah Konta hian Su-Wei Hsieh a hmachhawn ang.

Mipa qualifier lamah Dan Evans chuan Noah Rubin lakah 6-1 6-1 a hnehna changin first round a inhlangkai a, inelna takah chuan Grand Slam vawi thum champion tawh Stan Wawrinka nen an inhmachhawn dawn avangin hmabak a hautak dawn.