Mahuma Memorial Cricket Tournament : RVL-in Armed Veng an ngam

I League champion inbeisei East Bengal chuan an coach ṭanglai Alejandro Menendez chu contract thar an ziahpui a, kum hnih dang Kolkata club tan contract a ziak.

Real Madrid reserve team coach hlui chuan, "He team kaihruaitu Quess Corp chungah hian rinna ka nghat tlat a, world class club ni tura East Bengal kaihruai tura hun pek ka ni leh hi ka lawm takzet a ni," a ti.

Kum 52 mi manager hian tun season ṭan dawn khan East Bengal hi a zawm a, a season hmasa berah hian I League no­mawi chawi thei din­hmunah an ding mek.

Kolkata club hian match khat chiah khelh tur nei tawh chungin point khatin hmahruaitu Chennai City an phak lo mek.

Inrinni tlaiah Gokulam Kerala lenchilhin an match hnuhnung ber an khel dawn a, hnehna an chan a, Minerva Punjab hmachhawn tur Chennai City-in point thum an hlawhchhuah theih loh chuan an champion ang.

Vawiinah I League inkhel pakhat a awm dawn a, tlai dar 5:00-ah Shillong Lajong chuan Mohun Bagan an mikhual dawn.