Zaninah RFL Plastics MFA Futsal League final Chanmari Zothan Futsal Vs Chhinga Veng

RFL Plastics MFA Futsal League final chu zanin dar 8:00 hian Electric Veng Indoor Stadium-ah khelh a ni dawn a, Chanmari Zothan Futsal leh Chhinga Veng FC te an inhmachhawn ang.

Nikum khan MFA Futsal League hi khelh ṭan a ni a, Chanmari chuan champion hmasa ber ni turin Chhinga Veng FC chu 6-5 in an hneh. Kumin hian nomawi inchuhnaah 2018 final rematch kan hmu dawn a, inkhel hmuhnawm a beisei ngam ang.

Final kalkawng
Chanmari Zothan Futsal hi group A hmahruaitu an ni a, quarterfinal-ah FC Bungkawn an hnehin semfinal-ah Zonuam an hneh leh bawk.

Group B-ah Chhinga Veng hi pahnihna an ni a, knockout stage-ah Saron Veng FC (quarterfinal) leh Zonuam (semifinal) te hnehin final hi an lut. Tawnhriat leh player nei ṭha Chanmari leh Chhinga Veng te hi final khelh phu ber tiin an chhal theih a, chutihrualin ṭantu neih ṭhat lamah erawh club vantlang chauh an ni a, ṭan an mamawhna lai tak a ni.

Veng pahnih tan inelna neihna hmun Electric Veng a hla lo a, mipuiin inkhel result an thlak danglam theih bawk avangin ṭantu neih ṭhat a ṭul ang.

Final chu
Chhinga Veng hian final-ah semifinal-a red card hmu C. Lalmuanpuia an chhawr thei dawn lo a, hei bakah hian coach Lalremruata chuan 2nd Division League-ah Chhinga Veng FC a enkawl a, Kolkata-ah a zin avangin a awm thei dawn lo. Amaherawhchu, Chhinga Veng hian final hmasaa an hneh tawh loh Chanmari lakah phuba lak ngei an tum a, nomawi chawi turin player an nei ṭha bawk.

Chanmari lam hi tualchhung football leh futsal-a tawnhriat nei ṭha Rochhingpuia'n a ho thei a, an inpuahchahna a rei tawh bawk avangin nomawi humhim an tum ruh hle. Coach Samuel Lalrinzuala Sailo chuan, "Player an inlungrual a, kan thawhhona a ṭha a, nomawi chawi turin kan theihna zawng zawnga kan khelh a ṭul ang," tiin Vanglaini a hrilh.

Semifinal
1st Leg : RC Ramhlun Venglai 3 - 7 Chanmari Zothan Futsal
2nd Leg : FC Ramhlun Venglai 5 - 6 Chanmari Zothan Futsal
RVL : Lalmuanzuala 2', 50'; Lalawmpuia Pachuau 17'; C. Lalrinsanga 9'; Lalhmangaiha 41'
CZF : Johny Lalremruata 2'; Lalrammuanpuia 10'; Rochhingpuia 23', 47', 48'; Stephen Lalnunmawia 43'
Agg-ah Chanmari Zothan Futsal 13-8 in an chak
2nd Leg : Chhinga Veng 4 - 1 Zonuam FC
2nd Leg : Chhinga Veng FC 5 - 3 Zonuam FC
CVFC : C. Lalmuanpuia 6'; Lalsawmzela 25', 42'; Lalruatfela 28', 29'
ZFC : Lalthazuala 4', 22', 34'
Agg-ah Chhinga Veng 9-4 in an chak
Final - Zanin
Chanmari Zothan Futsal 8:00 PM Chhinga Veng FC