Simeone-a'n pawisa a chawi dawn

Atletico Madrid coach Diego Simeone chu Champions League last 16-a Juventus nen an inkhelh ṭuma a goal lawm dan uchuak tak avangin pawisa chawitir a ni a, a bak hremna dang erawh pek a ni lo.

Spanish club hian Champions League last 16 first leg-a team pahnih intawn hmasakah khan 2-0 in hnehna an chang a, an goal hmasa zawk Jose Maria Gimenez-a'n a khung ṭumin Simeone hian uchuak takin a lawm.

UEFA chuan hei hi hrethiam loin Argentine coach hi £17,000 (Nuai 15.56) an chawitir ta a ni. Hetihlai hian Atletico Madrid chu £32,500 (Nuai 29.75) chawi turin an ti bawk a, hei hi an fan-ten Juventus an mikhual ṭuma Wanda Metropolitano stadium-a kawng an dan luih vang a ni.

He inkhelah hian Juventus player-te chu thleng tura tih hunah stadium an thleng lo a, hei vang hian Italian club hi £25,500 (Nuai 23.34) chawitir ni bawkin manager Massimiliano Allegri chu zilhhau a ni bawk.

Atletico Madrid hian zanin dar 8:45-ah league match khel turin Leganes an mikhual dawn a, hmahruaitu Barca chu point sarihin an phak lo mek.