Bengaluru ngamtu Highlanders tan final a hnai

A vawi khat nana Indian Super League semifinal kheltu NorthEast United chuan an ke lehlamin final an rap ta - Ningani zan khan semifinal first leg-ah 2-1 in Bengaluru FC an ngam.

NorthEast United tan Redeem Tlang chuan minute 20-na lekah goal hmahruai a khung a, hlim chhung erawh a rei lo - an thiampuipa Bartholomew Ogbeche (45 minutes) leh Rowllin Borges (46) te chu hliam vangin lakchhuah an ni zui a, thawm a reh.

Minute 82-naa Bengaluru tan Xisco Hernandez-a'n si phurh a rawn sut phei chuan draw result nen team pahnih hi an ṭin dawn niin a lang hman - mahse Juan Mascia chuan hun pek belhah ama penalty hlawhchhuah a chhuih lut a, 2-1 in mualneitu an chak.

K. Lalṭhathanga leh Robert Lalthlamuana te khelhna NorthEast hian Thawhṭanni zanah Bengaluru an lenchilh leh dawn a, zanin dar 7:30 hian Mumbai City leh FC Goa chuan semifinal first leg an khel ve bawk ang.