Mizo pathum telna India U23

AFC Under 23 Championship 2020 qualifiers khel tur India chuan player 23 awmna squad an puang a, Mizo pathum an tel - Jerry Mawihmingthanga, Lallianzuala Chhangte leh Daniel Lalhlimpuia te chu koh an ni.

Jerry Mawihmingthanga hi ISL-ah Jamshedpur FC tan player pawimawh a ni a, Lianzuala leh Daniel te hian Delhi Dynamos tan khelin season duhawm tak an hmang bawk.

India U23 hi Indian Arrows 'behchhan' deuha din an ni a, Indian rawlthar rual awmna club aṭang hian squad-ah hian player 11 ngawt koh an ni.

AFC Under 23 Championship qualifiers-ah hian India hi Group F-ah Uzbekistan, Tajikistan leh Pakistan te nen an awmho a, March 22-ah Uzbekistan nen an match hmasa ber an khel dawn a, March 11 hian Qatar U23 nen friendly match an khel ang.

GOALKEEPERS: Dheeraj Singh, Prabhsukhan Gill.
DEFENDERS: Narender, Sarthak Golui, Wungngayam Muirang, Mehtab Singh, Anwar Ali, Asish Rai.
MIDFIELDERS: Jerry Mawi-hmingthanga, Lallianzuala Chhangte, Vinit Rai, Sahal Abdul, Amarjit Singh, Deepak Tangri, Rohit Kumar, Suresh Singh, Komal Thatal, Boris Singh, Rahul KP.
FORWARDS: Liston Colaco, Daniel Lalhlimpuia, Rahim Ali, Rohit Danu.