Derby lei tumtu tum a sang

Derby County neitu thar ni thei tura ngaih Erik Alonso chuan Rams a lei a nih chuan Champions League khelhpui a tum tur thu a sawi.

Sumdawng hausa Alonso hian kar liam ta khan tuna club chairman Mel Morris nen inremna an nei tawh. Kum 29 mi Alonso chuan, "Derby siam len hi ka tum chu a ni a, Premier League-a kaipui thuai ka duh. Messi leh Ronaldo te anga player lian ka lalut thei dawn lo tih chu a chiang a, mah se Premier League-a inpet kai a, Champions League khelh erawh kan tum a ni," tiin a sawi.

Alonso hi 'No Limits Sports Limited company' neitu a ni a, Derby lei fel turin Football League dan leh dun paltlang a la ngai. Alonso chuan, "Wayne Rooney hi player angin legend a ni a, coach ang pawhin hna á¹­ha tak a thawk. Wayne nen hian kan inbe tawh a, ka hnen aá¹­angin thlawpna a hmu ang," tiin a sawi.

Inrinni liam ta khan Derby County hian pakhatna hauhtu Norwich City chu 1-0 in an hneh lo a, tun Inrinni hian Blackburn Rovers a hmachhawn leh ang. Rams hian point 43 hmuin table-ah 20-na an ni mek a, tun season-a an tum ber chu League One-a relegate loh a ni.