Spurs leh Man City ten ticket dawng dawn

Carabao Cup final chu April 25, Pathianni zan dar 9:00 hian Wembley Stadium-ah Manchester City leh Tottenham Hotspur ten an khel dawn.

Final-ah hian Spurs leh Man City ten fans 2,000 ve ve an nei thei dawn. Chutihrualin kum 18 hnuai lam tan inkhel hi a en theih dawn lo a, rai puar leh natna benvawn neite pawh ticket hi beisei lo tura hrilh an ni.

Inkhel en turte hian inkhelh hma darkar 24 chhung ngeiin coronavirus test an neih a ngai a, an negative ngei tih hi email emaw text message emaw hmanga hriattirna an ken tel a ṭul bawk.

Fan-te hian inkhelh hma a PCR test an neih bakah hian inkhelh zawh ni nga hnuah test an nei leh a ṭul dawn a, test man erawh a thlawn a ni ang.

League Cup final-ah hian entu mi 8,000 an awm dawn. FA Cup semifinal-a Leicester City leh Southampton te inkhelh ṭumah pawh entu 4,000 awm phal an ni dawn. May 15-a FA Cup khelh hunah entu 21,000 awm tura ruahmanna siam a ni.