Bengaluru an inlan dawn

Indian Super League 2019-20 season-a pathumna Bengaluru FC chuan AFC Cup preliminary round 2 match zanin hian an khel dawn a, dar 7:30-ah Nepal Army nen an inkhel ang.

Goa-a inkhel tur Bangalore club hian hnehna an chan chuan playoff round an khel leh phawt ang a, an chak chuan group stage khel turin an inpetkai dawn chauh a ni.

Bengaluru hian AFC squad-ah Mizo goalkeeper Lalthuammawia Ralte, defender Joe Zoherliana, midfielder Emanuel Lalchhanchhuaha leh striker Edmund Lalrindika te an telh a, coach thar Marco Pezzaiuoli kaihhruaina hnuaiah an khel ang.

Sunil Chhetri telna Bengaluru inlanna round hi a la hniam deuh avangin television lamah a en theih dawn lo a, Bengaluru chuan an YouTube channel lamah an pekchhuah tur thu an puang thung.