IPL-a six vawi 350 vaw thei hmasa ber Gayle

Thawhṭanni zan khan Wankhede Stadium, Mumbai-ah Punjab Kings-in run liin Rajasthan Royals an hneh. Indian Premier League inkhel hmuhnawm takah hian Punjab Kings-in bat hmasain run 221/6 an siam a, Rajasthan Royals pawhin run 217/7 tehmeuh siam mah se run liin target an pha ta lo.

Gayle hian Royals bowler Ben Stokes a hmachhawn ṭumin six a vuaksak nghal a, IPL history-a six vawi 350 vaw thei hmasa ber a ni. Windies batsman hian ball 28 aṭangin run 40 a vaw chhuak a, six vawi khat dang a vaw chhuak leh.

Punjab batsman Gayle hian IPL-ah six vawi 351 a vaw chhuak tawh a, amah hnaih bertu AB de Villiers (237) pawhin vawi 250 a vaw chhuak pha lo. IPL-a six vawi 200 vawi tling tawhte chu Gayle leh De Villiers bakah ian MS Dhoni (216), Rohit Sharma (214) leh Virat Kohli (201) te an awm a ni.

Zanin dar 7:30 hian MA Chidambaram Stadium, Chennai-ah Sunrisers Hyderabad leh Royal Challengers Bangalore te an inkhel leh ang.