A zawna vawi li chak Celtics

Season bul ṭan fuh tawk lo mah se tun hnaiah Boston Celtics an harhthar a, nimin zing khan Celtics hian Portland Trail Blazers lakah 116-115 in hnehna an chang, tun hnai an match hnuhnung paliah a zawnin hnehna an chang ta.

Boston tan hian Jayson Tatum chuan point 32 a neih bakah rebound vawi kua laiin assist ṭum nga a nei bawk. Point 24 neitu Jaylen Brown leh Kemba Walker (21 points) te an chetṭhat bawk avangin an chak hram.

Inkhel dangah cham-pion tum ngam khawpa player lakhawm ṭha Brooklyn Nets chuan Minnesota Timberwolves lakah 127-97 in hnehna an chang a, player pawimawh Kevin Durant chuan point 31 a nei.

Champion lai Los Angeles Lakers pawhin tun hnaiah result nei ṭha lo mah se chak ni hmel an hmu leh ta. LeBron James leh Anthony Davis awm lo mah se Charlotte Hornets chu 101-93 in an hneh.