A tawpah Kolkata an tlu sawp

Thawhlehni zan khan MA Chidambaram Stadium-ah Mumbai Indians leh Kolkata Knight Riders an inkhel a, champion lai Indians-in run 10-in hnehna an chang.

Kolkata hian a tawp over nga aṭangin run 31 chiah siam mamawh tawh mah se run 21 chauh an siam theih avangin an chak lo. Kolkata Knight Riders-in vawm hmasak an thlang a, Mumbai Indians tan captain Rohit Sharma (43) leh Suryakumar Yadav (56) te che ṭhain run 152 an siam.

Kolkata bowler Andre Russell chuan over hnih lek vawm mah se run 15 pein wicket nga ngawt a la a, Mumbai batsman te over 20-naah run 152 siamin an thi fai vek.

Knight Riders tan opener pahnih Nitish Rana (57) leh Shubman Gill (33) te an che ṭha a, chak turin an dinhmun a ṭha hle. Amaherawhchu Mumbai tan bowler Rahul Chahar (27/4), Trent Boult (27/2) leh Krunal Pandya (13/1) te an che ṭha a, Kolkata batsman zingah opener pahnih tih loh run 10 siam tling thei dang an awm loh avangin Mumbai-in hnehna an chang.