Ben Stokes-a tan IPL a zo

Rajasthan Royals all rounder Ben Stokes chu a kut zungṭang a tliah avangin tun season Indian Premier League-ah a inlan thei dawn tawh lo.

Kum 29 mi Stokes hi Royals-in Thawhṭannia run lia Punjab Kings an hneh loh ṭumin a inhliam. Stokes chuan, "Match hmasa bera ka inhliam hi pawi ka ti a, hrehawm ka ti hle," tiin a sawi.

Stokes-a dinhmun hriat chian nan hian X-Ray a ni leh dawn a, chutihrualin England all rounder hi a inlan theih a rinawm tawh lo. Royals chuan, "Stokes hi team-te ṭawiawm turin India ramah a awm chhunzawm ang a, a thlakna tur ngaihtuah a ni ang," tiin thuchhuah an siam.

Zanin dar 7:30 hian Wankhede Stadium, Mumbai-ah Rajasthan Royals hian Delhi Capitals te an inhmachhawn ang.