MBA Annual General Body Meeting nei

Mizoram badminton-a thuneitu sang ber Mizoram Badminton Association (MBA) chuan Annual General Body Meeting chu Aijal Club-ah Thawhlehni khan an hmang a, he hunah hian MBA inkaihhruaina dan (constitution) siam thar, District Badminton Association leh an hnuaia club-te tan pawha hman nghal tur chu zirchian a nih hnuah pawm a ni.

MBA president Lalchhandama Ralte kaihhruaina hnuaia neih meeting-ah hian Mizorama badminton tournament kalpui dan tur kalphung thar duan a ni a, 2021-22 chhunga MBA budget tur chu pharha pawm a ni bawk. MBA hnuaiah hian District Badminton Association 13 an awm mek a, club affiliation ti 185 awmin registered player 8427 an awm mek bawk a ni.

Mizoram badminton thuneitu sang hian TATA Trusts nena thawk dunin Mizoram hmun hrang hrangah grassroot coaching-a kalpui mek bawk a, coach 42 enkawlna hnuaiah zirlai naupang 1203 an awm mek. MBA hian Regional Devel-opment Centre (RDC) pahnih a nei mek bawk a, zirlai naupang 30 awm mekin coach pathumin an enkawl mek bawk a ni.