Tuchel leh Sergio an buai

Seville khawpuia inkhel zawhah Chelsea coach Thomas Tuchel leh Porto coach Sergio Conceicao-ten buaina an nei a, Porto coach chuan Tuchel-a'n ṭawngkam mawi lo taka a beih thu a sawi.

Ramon Sanchez Pizjuan Stadium-a quar-terfinal inkhel zawhah hian team pahnih player leh coaching staff-te chu an inbawr hat hat hman a ni. Conceicao chuan, "Ṭawngkam mawi lo takin min bei a ni. Sapṭawng ka thiam tawk lo a, a thlen vek tawh hnua sawichiam hian awmzia pawh a neiin ka hre lo. Khatianga a che kha ka hrethiam lo a ni.

"A thil sawi kha kei chuan ka hrethiam lutuk lo a, ṭawngkam mawi lo tak chu a ni a, mahse, tunah chuan a liam tawh. A tirah khan ka nin ve deuh avangin ka hmachhawn ve a ngai a ni mai a, ṭawngkam pawh ka chhak chhuak lo," a ti.

Tuchel erawhin, "An coach nen khan kan inchhang ve deuh a ni mai a, midang kha an rawn tel ve ta vek ringawt a ni. Eng buaina mah a thleng lo," tiin a sawi a, Conceicao chuan, "Fourth referee khan kha ṭawngkam mawi lo tak kha a hre phak a, chu chu referee hnenah pawh ka sawi a ni," a ti thung.