Khawvela club hlu ber Barcelona

Forbes chuan khawvela football club hlut zawng ranking a ti chhuak a, tun hnaia sum lama talbuai Barcelona chu pakhatnaah an awm. Catalan club hlut zawng hi dollar tlukleh-dingawn 4.76 a tling pha.

Blaugrana hnuaiah an hmelma Real Madrid an awm a, Los Blancos hlut zawng hi dollar tluklehdingawn 4.75 niin Catalan club nen an inthlauhna a tam lo. English club zinga hlu ber Manchester United chu pathumnaah an lang phak lo a, Bayern Munich chuan a sang pathum aṭangin Red Devils hi an nek chhuak.

Premier League zingah Liverpool, Manchester City, Chelsea, Arsenal leh Tottenham te chu top 10-ah an lang pha a; English club dang Everton, West Ham leh Leicester City te chu 15-na, 18-na leh 19-naah an awm pha bawk.

Forbes in a tarlan danin Covid-19 hri leng karah kum hnih chhunga club hlutna chu chawhrualin 30% in a pung. Season liam ta khan inkhelh nia an sum lakluh chu dollar maktaduai 441 (£320m)-ah a tla hniam a, a tlak hniamna hi 2017-18 season aṭanga tehin 9.6% a ni.