Mahuma Memorial : Kulikawn leh Zarkawt chak zawk awm lo

Mahuma Memorial Cricket Tournament chu Suaka Cricket Ground-ah khelh chhunzawm zel a ni a, Inrinni khan Kulikawn CC leh Zarkawt Lords inkhelah chak zawk an awm lo.

First innings-ah Kulikawn hian run 123 siamin over 40.3-ah an out vek a, over 38.1-a run 115 chiah tlintu Zarkawt Lords eng ruai an ni bik lo. Second innings-ah Kulikawn an insiamṭha hret a, over 52.5-ah run 203 an siam.

Mahse, Zarkawt tan Pratik Pratap Desai rawn che ropuiin run 104 ngawt a rawn siam a, over 39.4-ah wicket sarih hlohin run 176 an tlin - mahse, ni-in a daih tawh loh avangin inkhel tihtawp a ni a, inhnehtawkah puan an ni.

Ni hnih chhunga run siam hnem hman zawk Kulikawn chu point thum pek an ni a, Zarkawt Lords-in point khat an hlawh thung.

Inkhel Result
1st Innings Kulikawn CC 123/10 (40.3)
Zarkawt Lords CC 115/10 (38.1)
*Run riatin Kulikawnin hma an hruai
2nd Innings Kulikawn CC 203/10 (52.5)
Zarkawt Lords CC 176/7 (39.4)