Serie A entu awm an duh

Serie A president Paolo Dal Pino chuan stadium khat punkhawm a la rem lo a nih pawhin, inkhel pakhatah fans 1000 vel talin a hmunah en ve thei leh tawh se tih chu an duhthusam a nih thu a sawi chhuak.

Italy sorkar chuan nipui laia neih tur European Championship atan a hmunah entu 25% a awm theih tur thu chu tun hnaiah an tichiang a, hei vang hian league season an hman laiah pawh entu awm hi an beisei ngam niin a lang.

Dal Pino chuan, "Euro atan sorkarin stadium chhunga fans luh theih tur thu a tichiang hi ka lawm hle, tunah hian Serie A pawhin entu an awm theih nan ruahmanna kan siam mek a, hun rei vak lo hnuah chuan a hlawhtlinna kan hmuh ka beisei.

"Inkhel hi a hmuna entu awm lo chuan a hlutna nasa takin a tlahniam a, player leh coaching staff tan pawh a nawmna a nep phah hle. Chuvangin pawisa vang chauh pawh ni loin football hlutna ti lang turin entu an awm a ngai," a ti.

Italy ramah hian coronavirus kaihhnawih vanga mitthi zat chu 115,088 zet an tling tawh a, Europe ram zingah chuan Great Britain dawta hri leng vanga thi an tamna hmun a ni a, an ram a len loh avangin sorkar tan a luhai thlak hle ang.