Sharp tan season a tawp

Sheffield United striker Billy Sharp chu a malpui hliam zai a ni a, tun season chhungin a inkhel hman tawh lo ang. Premier League table mawngphah luahtu tan chanchin lawmawm loh a ni.

Kum 35 mi Sharp hi a kum tam deuh tawh mah se player pawimawh a la ni reng, season kal laia inelna hrang hrangah an chhawr deuh zel. League bikah pawh goal thum a khung tawh a, training an neih laia a hliam vang hian a tum aia hmain a season a zo.

Thuchhuah siamin Sheffield chuan, "Billy Sharp hliam chu hlawhtling taka zai a ni a, mahse tun season chhung chu a inkhel thei tawh lo ang," tiin an player chungchang an sawi a, hun pawimawh laia an chhawr thei lo tur hi an ui khawp ang.

Premier League match khelh hmabak pasarih chiah a awm tawh, a hniam bera awm Sheffield hian a him china awm an phak loh chu point 18 zet a ni a, chhiarkawp danin la tla lo mah se season tharah chuan Championship lamah an hmel kan hmuh a rinawm.