HPC CUP 2021 : A thiam pahnih a hriat ta

Lunglei District Foot-ball Association hnuaia inelna lian leh ngaihhlut, veng leh veng inelna HPC Cup chu a hmawr bawk a hnai. Nimin khan semifinal khelh zawh niin, Pukpui leh Electric Veng chuan a khingpui ve ve hnehin final an lut.

Inelna hi hrileng vangin ruahman lawk danin a kal thei lo. A hmunah entu an awm thei lo a, quarterfinal aṭang khan inkhelh hun pawh sawn hma vek a ni. April 17, Inrinni hian Ṭhuamluaia Mualah final khelh a ni ang.

Vawi li champion tawh leh record nei ṭha ber ni bawk Electric Veng leh tun inelna hmang ṭha Pukpui inkhel tur hi a hmuhnawm dawn.

Kuminah hian inelna kalhmang hi tih danglam a ni, phase 1-ah Lunglei khaw pawn lama team hran hran an inkhel kual a, zone champion ṭheuh bakah Lunglei khaw chhung team chuan April 6, Thawhlehni aṭang khan phase 2 an khel a ni.