Kohli-a'n Bangalore a chakpui

Indian Premier League-ah Nilaini zan khan Royal Challengers Bangalore chuan run rukin Hyderabad Sunrisers an hneh.

MA Chindambaram Stadium, Chennai-ah Royal Challengers Bangalore an bat hmasa a, over 20-ah run 149/8 chauh an siam.

Bangalore tan hian Glenn Maxwell-a'n run 59 siamin captain Kohli-a'n run 33 a siam ve bawk.

Sunrisers opener David Warner-a'n run 54 a siam a, chak turin beiseina pawh an nei sang. Over li a la awmin run 35 siam a la ngai a, Sunrisers hi chak thei an la ni.

Kohli-a'n over 17-naah Shahbaz Ahmed a vawmtir a, Haryana tlangval hian wicket thum rawn lain Jonny Bairstow (12), Manish Pandey (38) leh Abdul Samad (0) te a vawm hlum a, hei hi inkhel result tidanglamtu a ni.

Sunrisers hian over 20 chhungin 143/9 chauh an siam a, run ruka an chak loh avangin tun season IPL-ah chak an la nei lo. Zanin dar 7:30 hian IPL khelh chhunzawm a ni dawn a, Punjab Kings leh Chennai Super Kings te an inkhel ang.