Serena inkhel zo thei lo

BNP Paribas Open, Indian Wells-ah Serena Williams chuan match a khel zo thei lo a, a khingpui Garbine Muguruza lakah 6-3, 1-0 in a hnufual laiin a inhnukdawk a ni.

Grand Slam vawi 23 cham­pion tawh Serena hian a tir lamah game hmasa pathum a la zawn. Mahse, a trainer hnenah a nawm loh thu a sawi, inkhel chhunzawm mah se game ruk a hloh zawn a, set hnihnaah chuan game khat bak a khel thei lo.

American nula Serena chuan, "Ka lu a nat bakah ka taksa a chau hle a, bul ṭan fuh hle mah ila a hnu lamah kha chuan ka khel ṭha thei tawh lo a ni," tiin a inhnuhdawh chhan a sawi.

Inkhel dangah world number 2 Simona Halep chuan fourth round lut turin Kateryna Kozlova lakah fiahna hautak a paltlang. 2015 champion Halep hian world number 114 nen an vawi khat intawn naah hian 7-6 (7-3), 7-5 in hnehna a chang hram.

Seeded parukna Elina Svitolina chuan Daria Gavrilova 7-5, 6-4 a hnehin round sang zawk a in vaw kai a, inkhel dangah Chinese nula Qiang Wang leh Australian player Ashleigh Barty te pawhin hnehna an chang bawk.