Mizoram pachak inelna chhunzawm

Mizoram Powerlifting Association leh Zonet buatsaih Mizoram Pachak zawnna chu nimin khan chhunzawm leh a ni. Hawla Indoor Stadium, Republic Vengthlangah motor inhnuh kal siak (Fire Dept. Truck) an nei a, inelna hi item paruk an nei tawh.

Nimin tlai an result thleng chuan champion lai P. Lalchamliana leh Ngurthanzauva Sailo ten point 95 ve ve hmuin an inel tawk viau a, point 75 nei tawh Abraham Lalṭhakima'n a hlat lo bawk.

Inelna hi chi sarih hmanga neih chhunzawm a la ni dawn a, March 15 hian motor ke hnung zawnga invawrh siak hmangin inelna neih chhunzawm leh tur a ni ang.