Solskjaer-a'n final thlen a beisei

Manchester United manager Ole Gunnar Solskjaer chuan semifinal ringawt a duhtawk lo a, eng inelna pawh nise final thlen ngei a duh. Ole naute hian Granada 2-0 in an hneh a, inkhel pahnih belh khawmah 4-0 a chakin Europa League semifinal an lut.

Ningani zan inkhelah Man United tan Edinson Cavani-a'n goal a khung bakah, hun tawp dawnah Garanda player Jesus Vallejo chuan an mahni lamah a ti lut bawk. United hian semifinal-ah chuan Ajax hnehtu AS Roma an hmachhawn leh ang.

Solskjaer chuan, "Kan hun hmasa lama kan chak lohna te kha min ti chaktu a ni ang a, tunah chuan final thlen ngei kan tum tawh ang," a ti. Solskjaer hian 2018 December thla ṭang khan United a enkawl a, English club hian 2017 hnu lamah final an la khel leh lo.

Manchester United hian Premier League an khel chhunzawm leh nghal dawn. Pathianni zan dar 8:30 hian tlak hlauhawm zinga mi Burnley an mikhual ang.