CYMA Online Chess : Rahsi Veng Branch an ti ṭha ber

Central YMA leh Mizoram Chess Association buatsaih LBS SUZUKI Inter Branch YMA Online Chess Tournament chu April 9-10, 2021 chhung khan khelh zawh a ni a, nimin khan Central YMA Hall Tuikhuahtlangah result an puang.

Rahsi Veng Branch YMA chuan point 44.5 hmuin pakhatna an ni a, Bethlehem VT leh Tlangnuam West ten an dawt. Mimala ti ṭha ber chu Bethlehem VT player C. Lalrinsanga a ni a, Rashi Veng player Jeffrey Vanrammawia leh BVT player BT Romawia te chu pahnihna leh pathumna an ni.

Venghlui Branch YMA member Jacqueline Lalthlengliani chu inelnaa hmeichhe tel awmchhun a ni a, speciald award an pe. A tawp thlenga khel tluan mi panga awm chin Branch-te hnenah hnenah Participation Prize pek a ni dawn a, participation prize dawng hi branch 27 awmin an vai hian suahdur an dawng.