Coleman hremna an ti tlem

Mipa 100m intlansiaka world champion ni lai Christian Coleman hremna chu tih tlemsak a ni. American sprinter hi damdawi hman phal loh a hman vangin kum hnih atan an hrem a, mahse infiamna lama thubuai ngaithuahtu sang Court of Arbitration for Sport chuan thla ruk atan a ti tlem.

Kum 25 mi Coleman hremna hi tih tlem ni mah se Tokyo Olympic-ah a inlan thei dawn chuang lo. Infiamna khawmpui lian hi July aṭanga neih tur niin, hrem a nihna hian November 14 thleng a awh thung.

Coleman hian 2019 khan Doha-a neih World Championship-ah khan 100m huangah hnehna a chang, nikum June thla khan hrem lailawk a ni a, a hnuah a dinhmun endik leh niin kum hnih atan an hrem.

Hremna hi CAS hnenah a khing let a, thubuai ngaihtuahtu sang hian tih tlemsak mah se a vai chuan a titawp vek ta lo. Infiammiten an nghahhlelh leh inlan ngei an duhna Olympic chu atan beisei ngam a ni ta lo.