Champion lai ngamtu Celtics

NBA champion Los Angeles Lakers chu tun hnaiah nasa takin an tlahniam, nimin zing khan Boston Celtics lakah Lakers hi 121-113 in an tlawm a, an player ṭha pahnih tel lo chuan an che hleithei lo.

LeBron James leh Anthony Davis tel loa khel Lakers player zingah point 20 nei tling thei an awm lo. Jaylen Brown-a'n Celtics tan point 40 ngawt neiin a team a chakpui a, tun hnaiah a zawnin vawi nga an chak zawn ta.

Western Conference lamah Lakers hi Utah Jazz nen hmahruaitu an in nih chhawk zak zak ṭhin. Mahse, tun hnaiah an chet fuh theih loh avangin table-ah pawh pangana dinhmun an luah ta a, hmahruaitu Jazz aiin vawi sarih ngawtin chak loh an nei hnem zawk.

Inkhel dangah Golden State Warriors tan Stephen Curry bawk a vul leh ta. American guard hian Cleveland Cavaliers lakah point 33 neiin a team GSW hi 119-101 in hnehna a chanpui a, table-ah pakuana niin playoff khelh an la beisei zel.