Rajasthan-in Delhi an hneh

Ningani zan Indian Premier League-ah Rajasthan Royals (150/7) chuan wicket thumin Delhi Capitals (147/8) an hneh a, ball hnih chiah a bang.

Wankhede Stadium, Mumbai-ah Rajasthan-in vawm hmasak an thlang. Delhi top order te an che ṭha lo a, Rishabh Pant (51), Tom Curran (21) leh Lalit Yadav (20) te zarah run 147/8 an tlin pha hram. Amaherawhchu Rajasthan batsman ten bul an ṭan ṭha bik lo, David Miller run 62 leh Chris Morris-a'n thi loa run 36 a siam zarah Royals-in run 150/7 siamin hnehna an chang.

Zanin dar 7:30 hian Mumbai Indian leh Sunrisers Hyderabad te MA Chidambaram Stadium, Chennai-ah an inkhel ang.