MBA Inter District Team Champion Champhai

Mizoram Badminton Association (MBA) buatsaiha neih 19th Inter District Team Championship chu khelh zawh a ni a, he inelnaah hian Champhai district aiawha tel Ralte Villa Badminton Club-te chu a pumpuia champion hnem ber niin 'team champion' an ni.

Men's Team lamah District Badminton Association Aizawl North aiawha khel Bawngkawn Badminton Club-te chu champion an ni a, Women's Team-ah Aizawl South DBA aiawhtu ITI Badminton Club-te an champion ve thung.

Hetihlai hian 35th MBA Official Tournament pawh khelh chhunzawm zel a ni a, vawiin chawhma dar 10:00 hian final khelh ṭan a ni dawn. Inelna hi Zonet Bawhbel leh LPS 10-ah te chuan live-a en theih turin an pe chhuak ang.