Gerrard-a Rangers an thamral

Scottish Cup quarter­final aṭangin Steven Gerrard enkawl Rangers an tla a, Thawhlehni zan khan quarterfinal replay-ah an mikhual Aberdeen chu 0-2 in an ngam lo.

Aberdeen tan hian Niall McGinn chuan mi­nu­te thum­na lekah goal hma­hruai a khung a, Connor McLe­nnan chuan second half-ah goal khat dang khung ve lehin Rangers an tlawm.

Rangers-a a season hmasa bera nomawi chawi tum Steven Gerrard-a'n coach puitling a nih hnua a season hmasa berah nomawi a chawi dawn lo niin a lang ta.

League Cup-ah semi­final thlengin Aberdeen bawk hi an ngam lo a, Scottish Cup quarterfinal aṭangin hnawhchhuah an ni leh ta bawk - Scottish Premiership-ah pahnihna an ni mek.

Scottish Premiership-ah hian Celtic chu hma­hruaitu an ni mek a, Ran­gers hian match kua khelh tur la awmah point riatin an phak lo mek a ni.