NECS Cup 2019 : Zaninah last 16 draw nei dawn

ADFA hnuaia inelna lian NECS Cup an inthlifim chho zel a, team 16 chauh an awm tawh. Zanin dar 8:00 hian Chanmari YMA Hall-ah last 16 draw neih tur a ni a, LPS 10-ah live a pek chhuah a ni ang.

NECS Cup-ah hian team 66 an inziak lut a, champion tawh team pali - Ramhlun South, Armed Veng, Bethlehem Vengthlang leh Chhinga Veng an la dam kim vek a ni.

Inrinni aṭangin Lam-mualah last 16 hi khelh chhunzawm a ni dawn a, nitin chawhma dar 11:00 leh chawhnu dar 1:00-ah zel khelh tur a ni dawn. Last 16 leh quarterfinal li match khat khelh tur a ni a, semifinal bik erawh vawi hnih khelh tur a ni dawn.

Last 16 lutte:
1 Hualngohmun
2 Bethlehem Vengthlang
3 Chite
4 Hlimen
5 Ramhlun South
6 Armed Veng
7 Kanan
8 Venghlui
9 Chhinga Veng
10 Republic Veng
11 Lengpui
12 Armed Veng South
13 Bawngkawn
14 Chanmari
15 Chanmari West
16 Khatla