Vettel tan Schumacher nih rualna hun?

Pathianni chawhma dar 10:40 hian tun sea­son chhunga Formula 1 intlansiak hmasa ber tur Australian Grand Prix tlan a ni dawn a, Fer­rari driver Sebastian Vet­tel-a'n hnehna a chang a nih chuan Michael Schu­macher record a nih rual ang.

Albert Park Street Circuit, Melbourne-ah tun hnai season hnih chhung chu Vettel-a'n hnehna a chang tawh a, a zawna vawi thum chak thei awmchhun Schumacher record a hnaih hle - Ger­man driver pahnih tan Australia hi intlansiakna hmun ṭha bik a ni.

Australian GP-ah hian Lewis Hamilton chuan pole position aṭangin intlansiak vawi sarih bul a ṭan tawh a, record nei ṭha ber a ni. Tun season-ah pawh Mercedes driver hi practice an neih ni hmasa pahnihah tlan ṭha ber a ni a, beiseina a nei sang leh dawn.