Schalke-in manager Tedesco an ban

Mancheser City laka 7-0 ngawta an mualpho hnuin Schalke chuan an manager Domenico Tedesco an ban. Kum 33 mi Tedesco hian July 2017 khan Schalke hi enkawl ṭanin match 75 a kaihruai hman a ni.

German club hian an manager hlui Huub Stevens leh midfielder hlui Mike Buskens te chu team enkawl lailawk turin an ruat a, zanin hian zanin dar 8:00 hian RB Leipzig an mikhual ang.

Schalke hian an match hnuhnung pangaah an khingpui an hneh lo vek a, Bundesliga-ah point 23 hmuin 14-naah awm mekin tla relega­tion zone-a awm VFB Stuttgart aiin point li chauhin an sang zawk.

Bundesliga-ah hian title inchuh boruak a sang chho a, champion lai Bayern Munich leh an elpui Bo­russia Dortmund ten point 57 ve ve an hmu mek.