Sub Junior-ah Aizawl an champion

Nimin khan 14th Sub Junior Inter District Football Championship final khelh a ni a, Aizawl chuan Lunglei 2-1 a hnehin an champion. Pahnihna Aizawlin fairplay award an dawng.

Serchhip-a inelna neihah hian Lungleiin group stage-a 5-1 ngawta an hneh tawh loh Aizawl lakah bul an ṭan ṭha a, first half an thunun zawk. Minute 14-na lekah F. Lalbiakhlua'n penalty aṭangin Lunglei tan a khung.

Amaherawhchu, second half-ah Aizawl an tho chhuak a, minute 57-naah Lalhmunmawia'n penalty aṭangin a sut. Lungeiin goal an chhuah aṭanga minute hnih hnuah an keeper a che sual a, Zonunpuia'n Aizawl tan chakna goal a khung. Final-ah hian Aizawl keeper Lalhruaizela a che ṭha hle.

Aizawl striker Lalrinchhana chu best player atan thlan a ni a, Kolasib tana goal ruk khungtu Remruatkima chu top scorer a ni.